বাহার মারি সাম্পান যার
বাঁক দুইয়ানে কেঁ কুত গরের
দইজ্জা অর তুলফার। (২)
হাইল্লা ফাইরর টাঁনে মাঝি
কেন গরি দুই কুল মাতার (ঐ)
বউ জি বইস্সে হালর ঘাড়ত
আন্ডি বাসন মাজের,
কলসি ফুরাই ধুয়ায়ের কেউ
কেউ বা ফানিত লামের। (২)
ঘুমটা তুলি চাদ্দে কেউ
সাম্পানত্তুন হনে যার। (ঐ)
কেই হালত লামিয়েরে
জাল মারেদ্দে ফানিত,
মাছর ঝাকত ফইজ্জে যে জাল
নফারেদ্দে টানিত। (২)
হালর কুলত থিয়ায়েরে
হত বউ জি হতা হর। (ঐ)
ফালকিত গরি নয়া বউ যার
হুক্কাই হুক্কাই হাঁন্দের,
দুলা মিয়া মুখত রুমাল দি
ফিডির ফিডির আঁসের।
ছাতি মাতাদ্দি দুলার বাপে
সাপ্পর সাপ্পর ফান সাবার। (ঐ)
